Tơdrong dăr hơlen akŏm lơ̆m tơdrong pơm kiơ̆ khôi luơ̆t găh pôk rơih; hơnăp jang đơ̆ng kơdră đảng, kơdră tơring, Anih vei lăng pôk rơih rim tơring lơ̆m pơgơ̆r bơ̆jang; tơdrong vei sơđơ̆ng anih, tơmam, jên, bơngai pơvih pơvăn ăn pôk rơih; hơdai hăm tơtom chă ƀôh, hơmet ming dôm tơdrong tam mă ‘lơ̆ng, tam mă tôm, apĭnh dôm trong jang hơtŏk ‘lơ̆ng đei yua pơgơ̆r pôk rơih.

Kiơ̆ kơ ƀok Từ Thái Giang, Phŏ kơdră Jơnŭm pơgơ̆r kon pơlei dêh char Đắk Lắk, tơdrong pơjing păng tơlĕch jang dăr hơlen ưh khan lăp vă hơlen lăng tơdrong pơm kiơ̆ khôi luơ̆t găh pôk rơih mă oei tơtom băt hơdăh tơdrong yan âu tơ̆ tơring.