Ƀok Trương Công Thái, Phŏ Kơdră Anih vei lăng kon pơlei dêh char Đắk Lắk, Kơdră Anih pơgơ̆r Tơdrong jang tơring sơlam dêh char, chih iŏk păng lăng ‘lơ̆ng dôm jơnei mă khŭl lĭnh Ƀô̆ đô̆i vei lăng tơring sơlam dêh char hlôi iŏk đei lơ̆m bơ̆jang kiơ̆ hơnăp jang vei lăng kơjăp tơdrong pơm tơm hơgăt teh, vei lăng sơđơ̆ng tơring sơlam teh đak; kơchăng jang hơdai kơjăp, đei yua hăm khŭl lĭnh vei lăng tơring sơlam Campuchia lơ̆m vei lăng trong sơlam, jrăng sơlam; kang ƀô̆, khŭl lĭnh ling lang hơtŏk ‘lơ̆ng jơhngơ̆m đon jang tơnăp, yak hloh mơmat tat, jang đang ‘lơ̆ng rim hơnăp jang đei pơjao.

Ƀok Trương Công Thái tơbăt, dêh char Đắk Lắk ling lang bơngơ̆t truh, pơm tơdrong hiôk ‘lơ̆ng vă Ƀô̆ đô̆i vei lăng tơring sơlam bơ̆jang kiơ̆ ‘lơ̆ng tơdrong jang, hơnăp jang; hơdai hăm, athei sơnăm 2026, kơdră đảng, kơdră pơgơ̆r rim jăl lơ̆m Ƀô̆ đô̆i vei lăng tơring sơlam dêh char hơnơ̆ng hơtŏk dôm jơnei hlôi iŏk đei, vei kơjăp pôm nơ̆r ƀơ̆r đon lơ̆m tơ doă, hơtŏk ‘lơ̆ng tơdrong jang, ling lang iŏk păng jang đang jơnei rim hơnăp jang lơ̆m tơdrong ‘nao.