Đơ̆ng rŏng kơ tơmât hơdai, dêh char Đắk Lắk ‘nao đei 102 xăh, phường hơtŏ hăm 102 Đảng ƀô̆ tơ̆ xăh. Dang ei dôm tơring tơ̆ Đắk Lắk oei akŏm jơhngâm chih hơmet hla ar kăl păng hơmet rim tơdrong vă vă pơgơ̆r Hop akŏm Đảng ƀô̆ tơ̆ xăh. Ƀok Phạm Tiến Hưng - Bí thư Đảng xăh Hòa Phú ăn tơbăt, hla ar kăl gô đei chih đang lơ̆m giĕng truh, hăm tơdrong tơm ‘nŏh jĭ jang atŏk tơiung mŭk drăm, tơpôl, tơiung pơjing Đảng, jŏh ayŏ kơ dŏ xoang, vei lăng sơđơ̆ng teh đak.

Kăl loi, hop akŏm ‘măng mă âu ưh đei pơgơ̆r pôk rơih Khul kơdră chĕp kơ̆l ‘nao. Khul kơdră chĕp kơ̆l Đảng dêh char vă rơih, pôk hơtŏk bơngai jang tơm nhen Bí thư, Phó Bí thư păng klăih song kơsô̆ bơngai tang măt vang truh hop akŏm tơ̆ dêh char. Trong jang ‘nâu vă pơm ‘lơ̆ng ăn tơdrong chĕp kơ̆l kiơ̆ 1 trong sơđơ̆ng ‘lơ̆ng lơ̆m jăl jang pơtăl dơ̆ng đơ̆ng rŏng kơ tơmât hơdai.