Lơ̆m noh đei 2 tơdrong jang tôch gĭt kăl 'nŏh jĭ Trong păr jur tŏk kơsô̆ 2 kŭm hăm dôm tơdrong jang hơmet pơ 'lơ̆ng lơ anih tơ̆ Cham gre păr Phù Cát (akŏm đĭ đăng jên jang hlŏh 3.200 ti) păng Tơring jang kơmăy Phù Mỹ. Atŭm hăm 'nŏh dêh char oei tơlĕch jang 6 tơdrong jang nai đei: Tơring pơm hơmet tơmam đơ̆ng choh jang xa Vinanutrifood;

Pơjing păng iŏk yoa anih jang ki thuơ̆t tơ̆ Tơring jang kơmăy kơmŏk Bình Thành, tơdrong jang pơm trong tơƀưh găh Pơmât dêh char truh hăm trong tơter đak dơsĭ tơ̆ tơring Phù Mỹ, pơjing, iŏk yoa anih jang ki thuơ̆t tơ̆ tơring Jang kơmăy Cát Hiệp, Tơring jang kơmăy Cát Hanh, pơm trong ver găh pơbăh Phú Phong. Dôm tơdrong jang ưh lăp pơjing jơhngâm pran ăn tơdrong pơm trong yak đĕch mă oei pơih đei trong yak 'nao ăn tơdrong jang kơmăy kơmŏk, logistics păng unh hơyuh rơgŏh tpơ̆ tơring dơ̆ng.