Năr 19/8, Jơnŭm Vei lăng Anih jang mŭk drăm păng Anih jang kŏng ngĭp dêh char Khánh Hòa jang atŭm hăm khul kơpal kơ Anih jang ExxonMobil (Hoa Kỳ)  hơlen tơdrong jang tơ̆ tơring Nam Vân Phong. Khul pơm jang hlôi hơlen tơ̆ dôm tơring kăp gĭt, anih đei teh să, đak dơsĭ jrŭ, ƀônh ăn tơdrong pơm jang.

'Nou jĭ hnam kơmăi hoă chơ̆t nhen lĕ ưh đei tơlĕch hơyuh 'mê̆ mă blŭng lơ̆m kơpal teh kơ anih jang, mưh đei pơtơm jang tơ̆ Việt Nam. Kiơ̆ dôm bơngai juăt jang, Nam Vân Phong, dêh char Khánh Hòa đei sơkơ̆t hơdah jing anih jang trŏ ƀlep hŭi kơ đei vă hơtŏk pơjing anih jang kŏng ngĭp hlŏng đak dou tih hloh gơnơm đei teh să kăp gĭt păng anih akŏm chơ pơdŭ tơmam drăm pơtruh đơ̆ng apŭng plenh teh, tŏ 'mi kial sơđơ̆ng, đak dơsĭ jrŭ trŏ hăm tơdrong kăl vih vơ̆t prăt sơnăm păng teh kông ƀônh hiôk ăn tơdrong vih vơ̆t kiơ̆ rim jăl jang. Tơring ou adoi kơchăng pơih trong teh, trong gre treng, pơtrŏ hăm tơdrong chơ lơ đak dou păng tơmam drăm pơm jang kăl trăp trĭn.