Tơdrong ming man đei 3 anih tơm: B1, B2 păng B3. Lơ̆m noh, anih B3 'nao đei pơtơm ming man să jê̆ 3,5ha đei dơnou glơi đei bơbŭng, anih pơhrăm golf. Anih B2 să hloh 3,7ha, đei hnam 'măng pơlong hlôi đei pơtơm ming man ah khei 10/2023 păng kơchĕng gô keh đang ah hơtuch sơnăm ou. Anih B1 đei bieh pơjing vă tơlĕch ming man hnam oei ăn dôm bơngai pơtho gah tơplŏng kơdou, bơngai juăt jang păng bơngai tơplŏng kơdou, atŭm hăm dôm anih tơgŭm jang gô vă pơtơm ming man ah hơtuch sơnăm 2026.

Tơdrong jang ou đei asong jang kiơ̆ pơkăp 'nao păng drơ̆ng minh, vei sơđơ̆ng ăn tơdrong pơkăp kăl kơ teh đak păng apŭng plenh teh. Tơdrong ming man 'măn ăn tơdrong pơhrăm pơlong tơplŏng kơdou đei jơnei kơjung păng pơlan să tơdrong pơtơ̆p 'lơ̆ng hơkou jăn lơ̆m kon pơlei, tơguăt hăm hơtŏk tơmang pơhiơ̆ păng joh ayŏ, tơgop lơ̆m hơtŏk mŭk drăm tơpôl kơ teh đak pơma atŭm, kơ Lâm Đồng păng lơ̆m tơring pơma hơdrô̆.