Gia Lai tŏk bŏk yak mơ̆t lơ̆m pơyan phang, lơ hơgăt teh bri tŏk bŏk hơmơt ŭnh sa kơtang ‘noh kơtang mă V. Rim tơ-‘ngla bri păng tơring tơ̆ dêh char jei tŏk bŏk tơlĕch lơ trong jang tang găn hơlou. Kiơ̆ chih jô̆, lơ̆m dêh char Gia Lai dang ei đei 286 tơring hơmơt ŭnh sa bri kơtang hloh mă V, hăm hơgăt teh bri să hloh 124.000 ha, găh să bri ‘long pơtăm, bri kơdrơ̆ng. Ƀok Trương Văn Nam, Kơdră Hơnih bơ̆ jang Vei lăng năng tông bri găh Hơnih tơm vei lăng bri dêh char Gia Lai tơroi tơbăt, rim tơring păng tơ-‘ngla bri tŏk bŏk tơlĕch jang tang găn hơlou, kiơ̆ trong pơ prŏ ăn đơ̆ng blŭng pơyan phang.