Mă lei, truh dang ei lăp dang 7.900 hek tar (dang 1/3) bluh jing hmă, gah lơ hơgăt teh uơ oei ‘long lôch dăh mă ưh kơ kĕ tih. Lơ anih mơdro sa apĭnh tơplih hơgăt ưh kơ đei iŏk yua jing pơtăm ‘long nai, vei rong kon tơrong mă lei tơƀơ̆p tơhlăk tơhlĭn găh pơm hla ar păng tơdrong pơtăm bri tơplih.

Kơdră Anih vei lăng kon pơlei dêh char Gia Lai pơjao kơ Anih vei lăng găh Choh jang sa păng Cham char jang hơdai hăm dôm anih jang ƀơm truh băt hơdăh  kơloăi teh, iŏk yua, tơdrong tơm pơm ăn ưh kơ jơnei păng apĭnh trong jang tơplih mă lăp chĕng hơmet teh, đei yua mŭk drăm. Hơdai hăm, kăl đei teh pơdreo dơ̆ng ăn tơring, tơgop hơmet pơ ‘lơ̆ng tơdrong ưh kơ măh teh jang sa ăn kon pơlei kon kông.