Kiơ̆ kơ ‘nŏh, Kơdră vei lăng kon pơlei dêh char Gia Lai, ƀok Phạm Anh Tuấn athei dôm anih jang bơ̆ jang kiơ̆ mă ‘lơ̆ng dôm nơ̆r pơtho đơ̆ng Trung ương păng Anih tơm vei lăng jên hu lơ̆m tơdrong hơmet ming, iŏk yoa mă ‘lơ̆ng Anih jang, pơm ‘lơ̆ng ăn tơdrong bơ̆jang đơ̆ng khul kơdră pơgơ̆r tơring 2 tăl.

Tơdrong hơmet tơmam rơkăh athei trŏ tơdrong hơgăt, veh ver tơdrong pơhuach kư̆ kă; ưh gơ̆h tĕch anih jang so, anih jang kơ teh đak. Tơdăh ưh kơ măh tơmam, dôm anih jang gơ̆h răt thim dơ̆ng kiơ̆ tơdrong hơgăt, atŭm hăm ‘nŏh đei trong pơm hơmet tơmam, anih so vă pơvih ăn tơdrong bơ̆ jang. Anih vei lăng kon pơlei dêh char Gia Lai tơtă athei hơmet mă ‘lơ̆ng tơmam kơmăy kơmŏk ăn Anih pơm hla ar ăn tơpôl, kơmăy ‘măn răk, hnam oei ăn kăn ƀô̆ năm jang hơtăih đơ̆ng rŏng kơ tơmât hơdai.