Lơ̆m noh, Hnam kơmăi unh hơyuh đơ̆ng kial Vân Canh 1 gô đei iŏk jang tơ̆ xah Canh Liên, pơm tơlĕch đei 160MW unh hơyuh, kơsô̆ jên asong jang hloh 6.900 tih hlj; Hnam kơmăi unh hơyuh đơ̆ng kial Vân Canh 2 iŏk jang tơ̆ xah Canh Liên păng xah Vân Canh, pơm tơlĕch đei 180MW unh hơyuh, hăm kơsô̆ jên asong jang hloh 7.770 tih hlj.

Dang ei Hơnih jang hơdoi kŏng ngĭp Sài Gòn – Bắc Giang pơtruh nơ̆r păng vă asong jang hăm 2 tơdrong tơlĕch jang ou. Hăm Hnam kơmăi unh hơyuh đơ̆ng kial  Vĩnh Thuận, đei iŏk jang tơ̆ xah Vĩnh Quang, pơm tơlĕch đei 143MW unh hơyuh, hăm kơsô̆ jên asong jang jê̆ 4.700 tih hlj păng hlôi đei drơ̆ng nơ̆r rơih hơnih asong pơm jang.