'Nou jĭ tơdrong đei jơnei hơdah hloh lơ̆m tơplih 'nao gah jang hanh chĭnh kơ dêh char, đei tơroi hơdah ah hop akŏm hla bar tơroi kơyuơ Hơnih jang vei lăng kon pơlei dêh char Gia Lai pơgơ̆r. Sơnăm 2025, dêh char hlôi hơlen dôm hla bar hanh chĭnh, kăt tơjur tong hơnê̆ jơ năr pơm hla bar kăl, hloh kơ tơdrong mă Jơnŭm pơgơ̆r teh đak pơjao. Tơrĕk hloh, khei năr pơm hla bar đei tơrĕk truh tơdrong asong jang, ming man, cham char đei pơm lơ̆m tŏ sĕt năr; hăm tơdrong pơkăp jang 'nguaih kơ tơdrong jang kŏng ngĭp tơjur oei pơhlom 60 năr, lơ̆m tơdrong jang mŭk drăm oei pă 38 năr.

Khei năr asong hla bar pơkăp chih măt tĕch pơdro tơjur đơ̆ng 3 năr oei pă 3 jơ. Gia Lai adoi jing tơring pơtơm jang 100% hla bar hanh chĭnh ưh đei oei lơ̆m pơkăp hanh chĭnh; tơjur jên huach hăm hô sơ pơm kiơ̆ trư̆k tuyê̆n. Gơnơm đơ̆ng noh, mă hô sơ pơtruh trư̆k tuyê̆n đei hloh 95%, hô sơ sek tơlang trŏ năr pơkăp đei jê̆ 98%. Hăm dôm tơdrong đei jơnei ou, tơdrong jang pơvih ăn kon pơlei păng hơnih jang mŭk drăm kơ Gia Lai đei pơkăp dơ̆ng mă 2 kơ jơ̆p teh đak, oei lơ̆m grŭp dôm tơring jang tơnăp hơgei gah tơdrong ou.