Kiơ̆ tơchơ̆t ‘nao tơlĕch ăn, Anih vei lăng kon pơlei dêh char Gia Lai, athei rim xăh, phường athei lăng kiơ̆ lơ̆m tơdrong hơgăt đei pơjao vă tơtĕnh dăr hơlen dôm tơdrong vă jang ƀơm truh, hơlen lăng tôm teh jang tŏk păng kĕ hơvơn jên jang. Tơdrong hơgăt hơtŏk tơiung mŭk drăm - tơpôl kơ rim tơring ưh kơ gơh tŏ sĕt hloh kơsô̆ hơgăt mă Anih vei lăng kon pơlei dêh char hlôi pơjao. Mă loi ‘noh, tơdrong jang tơlĕch jang ưh kơ gơh pơdơh lê̆ tơ̆ dôm kơsô̆ atŭm atŭm ăn pơđĭ sơnăm.

Anih vei lăng kon pơlei dêh char Gia Lai athei klăih song rơđăh anih bơ̆jang kiơ̆, răp hơlen lăng păng dăr lăng vă hơtŏk ‘lơ̆ng hơnăp jang lơ̆m vei lăng, vang yak hơdai hăm kon pơlei păng anih mơdro sa, kiơ̆ jơhngơ̆m đon “6 rơđăh”: rơđăh bơngai - rơđăh tơdrong - rơđăh khei ‘năr pơkăp - rơđăh hơnăp jang - rơđăh iŏk yua - rơđăh tơdrong gơh kĭ ăn.