Kiơ̆ hơnăn yoa Anih tơlĕch trong tơmât jên jang păng jang hơdoi kơ dêh char Gia Lai roi tơbăt, lơ̆m kơsô̆ 138 tơdrong jang đei 24 tơdrong jang đei rơih bơngai răt teh. Kăl loi lơ tơdrong jang tih đei rơih bơngai răt tơ̆ dôm tơring kơdrâm păng tơring đei lơ tơdrong ‘lơ̆ng vă jang tŏk.

Tơ̆ phường Pleiku đei Tơring kơdrâm CK54 hăm teh xă 65,8 ha păng Tơring kơdrâm bri brăh Trà Đa xă 53 ha. ‘Ngoăih kơ ‘nŏh oei đei dôm tơring oei xa tơ̆ xăh Đức Cơ (12,21 ha) păng xăh Cát Tiến (15 ha). Hăm tơdrong roi tơbăt dôm hơnăn tơdrong jang, dêh char hơmĕng gô iŏk yoa ‘lơ̆ng teh, sơng đei lơ bơngai tơmât jên jang pran, vang tơgop tưk tơiung mŭk drăm, tơpôl, dar dĕh hơmet pơ ‘lơ̆ng anih jang, trong nơnăm tơ̆ tơring kơdrâm, anih tĕch mơdro xa, pơvih pơvăn păng chă tơmang lăng tơ̆ dêh char lơ̆m khei ‘năr truh.