Hla ar chih tơroi ăn tơbăt, đơ̆ng sơnăm 2000 truh dang ei, Teh đak hlôi tơlĕch jên man 16 anih jang pơlong năng tơm kơ teh đak, mă lei dôm anih âu tam mă jing anih tơchĕng hơlen gĭt kăl yoa jên tơmât jang oei răh rai, tam mă đei trong pơgơ̆r jang hrơ̆ch ‘lơ̆ng păng tơguăt kơjăp hăm dôm tơdrong jang kơmăy kơmŏk tơm.

Tơ̆ hop akŏm, dôm anih tơm, anih jang kơpal athei pơm hơdăh găh luơ̆t, trong vei lăng, jên jang, tơdrong jang hơdoi đơ̆ng dôm anih tơchĕng hơlen vă huei kơ hơdrom băl, pơhuach jên kư̆ kă. Pơma pơtôch hop akŏm, Phó Thủ tướng Hồ Quốc Dũng athei Anih tơm jang Khoa hŏk păng kơmăy kơmŏk hơnơ̆ng hơlen năng tơdrong vă jang, trong tơlĕch jang; pơjing anih tơchĕng hơlen ‘nao ‘lơ̆ng rŏ, iŏk yoa hơdai dôm tơdrong tơchĕng hơlen đei, pơvih ăn tơdrong jang tŏk khoa hŏk kơmăy kơmŏk, tơplih ‘nao rơgei păng dôm kơmăy kơmŏk gĭt kăl.