Tơdrou khei blŭng sơnăm, GRDP kơ dêh char tŏk hloh 9%, pơkăp dơ̆ng mă 14 lơ̆m 34 dêh char, pơlei tơm jơ̆p teh đak păng dơ̆ng mă 2 lơ̆m tơring Pơbah Tŏk bŏk păng Tây Nguyên; lơ tơchơ̆t jang gah kŏng ngĭp, tĕch pơdro, asong jang tŏk kơjung, tơmơ̆t lơ̆m jên mong teh đak đei hloh 74% tơlĕch jang lơ̆m sơnăm.

Hop akŏm sơkơ̆t hơdah 6 tơdrong jang dơnơm, lơ̆m noh pơklaih tơhlăk tơhlĭn gah hrŭ 'mong iŏk teh ming man, hơtŏk tenh jên asong jang, hơtŏk tơdrong jang pơ-'lơ̆ng Đảng, kơhret kơjăp kih luơ̆t, păng tơguăt hăm tơdrong hơlen pơkăp đe kang ƀô̆ kiơ̆ kơ tơdrong jang đei. Ƀok Lâm Đông – Phŏ Ƀĭ thư Tĭnh uy, Kơdră Hô̆i đŏng kon pơlei dêh char Khánh Hòa pơgơ̆r hăm rim jăl jang, rim hơnih jang athei jang hơdah tơdrong tơchơ̆t hăm tơdrong pơm jang, iŏk tơdrong 'lơ̆ng pơvih ăn kon pơlei păng hơnih jang mŭk drăm vă pơm 'long pơtŏ kơ tơdrong jang đei jơnei.