Dôm bơngai tang măt pơma tơlĕch lơ trong jang vă hơnhăk tơdrong jŏh ayŏ kơ dŏ xoang jing anih jang mŭk drăm tơm, vang tơgop 7% GDP lơ̆m sơnăm 2030; tơlĕch trong pơgơ̆r jang gĭt kăl, vei kơjăp tơdrong pơchĕh rơgei păng iŏk yoa ‘lơ̆ng dôm kơjă kăp gĭt đơ̆ng tơmam jŏh ayŏ kăp gĭt kơ Việt Nam. Dôm bơngai tang măt akhan, athei chih tơlĕch dơ̆ng tơdrong tơgŭm vă vei lăng ‘lơ̆ng dôm tơdrong jŏh ayŏ kơ dŏ xoang thoi kră sơ̆, dôm anih jang tơgŭm vang pơjing đei tơmam ‘lơ̆ng.

Joh ayŏ kơ dŏ xoang ưh lăp jing 1 tơdrong jang kơmăy kơmŏk tơm mưh đei tơƀôh trong chih pơcheh păng tĕch mơdro đĕch, dôm bơngai tang măt kŭm athei chih hơdăh rim tơdrong đei ƀơm truh tơdrong iŏk yoa tơmam pơcheh rơgei vă pơlung dôm tơ ‘ngla păng tơpôl vang chih pơcheh, pơjing tơdrong jŏh ayŏ kơ dŏ xoang. Tơdrong đei ƀôh hơdăh đơ̆ng jang kơmăy joh ayŏ kơ Việt Nam ‘nŏh jĭ chih pơcheh kơ tơpôl păng luơ̆t ‘nâu gô jing tơdrong tơgŭm pơm hơtŏk tơdrong chih pơcheh đơ̆ng kon pơlei kiơ̆ kơmăy kơmŏk yoa đơ̆ng teh đak pơtruh păng vang tơgop vei lăng ‘lơ̆ng tơdrong đei yoa ăn bơngai chih pơcheh, dôm tơdrong đei ƀơm truh.