Tổng Bí thư, Kơdră chĕp pơgơ̆r Teh đak hôn bơnê kơtang dôm tơdrong jang tơmơ̆t jên jang mơdro sa iŏk đei jơnei đơ̆ng rim grup jang, hơnih mơdro sa Nhật Bản tơ̆ Việt Nam lơ̆m dôm sơnăm ou ki. Tổng Bí thư, Kơdră chĕp pơgơ̆r teh đak athei, rim grup jang tih kơ Nhật Bản ưh khan lăp pơih să jang mơdro sa, mă oei jing khul jang hơdoi ‘lơ̆ng, đunh đai, atŭm hăm Việt Nam atŏk tơ iung trong hnam hơnih jang kmăi kmŏk pơm tơlĕch tơmam drăm, ŭnh hơyuh, mơdro sa lơ tơdrong păng iŏk đei jơnei ‘nao tơ̆ Việt Nam.

Tổng Bí thư, Kơdră chĕp pơgơ̆r Teh đak, Việt Nam tŏk bŏk yak mơ̆t lơ̆m jăl atŏk tơ iung ‘nao, hơdrin đĭ ai jang kiơ̆ trong tơlĕch jang đei jing teh đak atŏk tơ iung, jang sa iŏk đei lơ lơ̆m sơnăm 2045. Vă jang iŏk đei jơnei trong tơlĕch jang ‘noh, tơdrong ‘meh vă hơvơn khul jang ăn atpŏk tơ iung trong hnam, ŭnh hơyuh, khoa hŏk kmăi kmŏk, tơplih ‘nao rơgoh ‘lơ̆ng păng pơm hơtŏk kĕ pơjei kơ tơdrong jang muk drăm ji tôch tih tên. Việt Nam hơnơ̆ng hơmet ming tơdrong tơchơ̆t, hơmet ming tơơ̆t jên jang mơdro sa; sơđơ̆ng mŭk drăm, vei lăng tơdrong pơm tơm păng đei iŏk yoa trŏ lăp đơ̆ng rim bơngai tơmơ̆t jên jang, pơjing rơvơn ăn rim hơnih mơdro sa teh đak đe jang sa đei ƀôh, đunh đai tơ̆ Việt Nam.