Drơ̆m kơsơ̆ brei (10/11), hăm tơdrong pơgơ̆r đơ̆ng Kơdră Quốc hội Trần Thanh Mẫn, Anih chĕp kơ̆l pơgơ̆r Quốc hội hlôi hơnơ̆ng pơgơ̆r ‘Măng mă 2, ‘măng hop akŏm mă 8 ăn tơgop nơ̆r găh tơdrong tơroi tơblang, chih iŏk, hơmet ming hăm grŭp 03 hla ar chih ming: Luơ̆t Chă rơih bơngai răt iŏk mŭk drăm (hơmet ming), Luơ̆t hơmet ming, tơmơ̆t dơ̆ng 1,2 hơpăng đơ̆ng Luơ̆t unh điên, Luơ̆t hơmet ming, tơmơ̆t đơ̆ng 1,2 hơpăng đơ̆ng Luơ̆t tơmơ̆t jên jang; tơdrong hơmet ming anih bơ̆jang đơ̆ng pơlei tơm Hà Nội păng dêh char Phú Thọ. Ăn tơgop nơ̆r găh grŭp 03 hla ar chih ming: Luơ̆t Chă rơih bơngai răt iŏk mŭk drăm (hơmet ming); Luơ̆t hơmet ming, tơmơ̆t dơ̆ng 1,2 hơpăng đơ̆ng Luơ̆t unh điên, Luơ̆t hơmet ming, tơmơ̆t đơ̆ng 1,2 hơpăng đơ̆ng Luơ̆t tơmơ̆t jên jang, Kơdră Quốc hội Trần Thanh Mẫn pơma hơdăh, tơdrong hơgăt hơtuch ƀơ̆t Quốc hội kơtĭt kơmăy pơdrơ̆ng kiơ̆, roi tơbăt chih iŏk, roi tơblang athei đei tôm ‘lơ̆ng.

Pơma hơdăh, pơđĭ 3 luơ̆t tôch kơ gĭt kăl, Kơdră Quốc hội Trần Thanh Mẫn tôch kơ lăng truh ưh kơ lê̆ đei tơdrong ưh kơ ‘lơ̆ng, đei yua grŭp lŭt lơ̆m dôm luơ̆t âu, ưh kơ yua đơ̆ng tơdrong đei yua hơdrô̆ đơ̆ng 1 ‘nu bơngai, 1 grŭp hơ yơ mă tơdrong hơmet ming tơ̆ âu ‘noh yua kơ tơdrong hơtŏk tơiung kơ teh đak.