Kơdră chĕp pơgơ̆r Hơnih tơm Pơprŏ Tơdrong jang păng Tơmơ̆t jên jang Nguyễn Chí Dũng tơbăt, tơnap tap lơ̆m jang kiơ̆ ‘noh hiơ hiơ̆ keh đang trong bơ̆ jang vei lăng, tơlĕch jang kiơ̆ rim tơdrong jang tơm teh đak đơ̆ng Trung ương truh tơ̆ tơring, pơm kơnê̆ tih tên truh tơdrong tơlĕch jang kiơ̆ rim trong chă pơjao, pơgơ̆r jang kiơ̆ păng tơlĕch kon jên jang tơdrong jang tơ̆ rim Hơnih tơm, hơnih bơ̆ jang Trung ương păng tơring.

Tơ̆ Hop akŏm, Kơ iĕng Thủ tướng Teh đak Trần Lưu Quang drơ̆ng akhan, tơdrong tơlĕch jang kiơ̆ 3 Tơdrong jang tơm teh đak hiơ hiơ̆. Kơ iĕng Thủ tướng athei Khul kơdră Teh đak tơlĕch nơ̆r apĭnh Kuô̆k hô̆i iŏk kon jên jang sơnăm 2023 ăn jang lơ̆m sơnăm 2024 dơ̆ng păng athei rim tơring kăl tơlĕch pơđĭ kon jên jang lơ̆m sơnăm 2023.