Tơdrong jang ou đei tơlĕch jang truh hăm đĭ đăng khul Đoàn, akŏm tơ̆ rim hơnih pơlong hăm vang jang đơ̆ng rơbou ‘nu đoàn viên, hơdruh tơdăm. Lơ̆m ou, khul Đoàn rim hnam trương đăi hŏk, kao đăng pơjing 12 khul năm iung jang hăm hloh 300 ‘nu bơngai; Khul Đoàn hnam trương jăl pêng păng Đoàn rim tơring, phương, tơring kăl vei kơjăp 273 khul vang iung jang tơgŭm ăn đe hŏk tro. Tơ̆ hơnăp ‘măng pơlong, rim khul hlôi atŏk kơtang iung jang pơtho tơbăt “Pơyan pơlong hơnŭk hơnoa”, pơrô̆ hơvơn khul jang pôk ăn kon jên hŏk pơhrăm “Vang tơgŭm djru Pơyan pơlong”, tơgŭm ăn hŏk pơhrăm ming, pơtho tơbăt tơchă tơdrong jang păng pơma tơbăt chơ̆n jơhngơ̆m ăn đe hŏk tro. Tơdrong pơgơ̆r ou tơgop pơjing rơvơn, tơgum ăn hŏk tro sơđơ̆ng jơhngơ̆m, chơ̆n jơhngơ̆m yak mơ̆t lơ̆m ‘măng pơlong gĭt kăl ou.