Tơdrong pơgơ̆r ou kơ yuơ Trung ương Khul Hơdruh tơdăm Việt Nam păng Trung ương Khul Bơngai mơdro sa sơnăm mơlôh Việt Nam pơgơ̆r hăm hơnăn “Jơhngơ̆m đon pơ̆n-Hơtŏ trŏ ƀlep bơngai mơdro sa Việt”. Đơ̆ng kơ hrĕng hô sơ pơtruh ăn lơ̆m teh đak, Jơnŭm rơih hơlen hlôi rơih iŏk păng pôk pơ ư 86 ‘nu bơngai Mơdro sa sơnăm mơlôh pơjing tơdrong jang hơgei, lơ̆m ou đei 10 ‘nu bơngai gơh hơgei hloh đei pôk ăn hơnăn TOP 10. Iung pơma tơ̆ pơm lêh, Kơ iĕng Thủ tướng Nguyễn Văn Thắng hôn bơnê dôm tơdrong tơgop đơ̆ng rim bơngai mơdro sa sơnăm mơlôh, pơma hơdăh pơjing tơdrong jang lơ̆m chăl atok tơ iung ‘nao tơklep hăm khoa hok kmăi kmŏk, tơplih ‘nao tơchăr păng tơplih kơsô̆. Kơ ieng Thủ tướng athei hơnơ̆ng pơm hơtŏk jơhngơ̆m ranh kơtang hloh dơ̆ng ‘meh vă pơjing tơdrong jang sa păng jơhngơm đon plang ăn lơ̆m khul hơdruh tơdăm Việt Nam.