Tơ̆ jơ bơ̆ jang, Tổng Bí thư, Kơdră chĕp pơgơ̆r Teh đak Tô Lâm pơma hơdăh tơdrong athei lơ̆m hop akom pơtôch jang kiơ̆ Tơdrong tơchơ̆t kăl tơplih đơ̆ng trong hơmet pơ ‘lơ̆ng ‘mê̆ ‘mach, hơmet pơ ‘lơ̆ng tơdrong răm, iung tơjră tang găn hơlou jing trong jang tang găn hơlou đơ̆ng hrôih, đơ̆ng hơtăih, atok tơ iung rơgoh ‘lơ̆ng, pơm hơtok kĕ tang găn ‘lơ̆ng hơ iă ăn kon bơngai păng cham char. Tổng Bí thư, Kơdră chĕp pơgơ̆r teh đak athei, hơnơ̆ng sơkơ̆t hơdăh rim hơyak pran, mă kăl găh tơdrong tơchơ̆t, khoa hŏk kmăi kmŏk păng trong chĕp pơgơ̆r Teh đak, atŏk kơtang jang kiơ̆ rim kmăi kmŏk hơgei kiơ̆ trong tơlĕch ăn lơ̆m Tơdrong tơchơ̆t 57 đơ̆ng Hơnih tơm Chinh trĭ, tơ iung pơjing hơnih răk yuh lĭu kơsô̆ teh đak găh mŭk drăm groi teh, cham char păng tŏ ‘mi kial.