Tơ̆ jơ pơma đam, Phŏ Thủ tướng Lê Tiến Châu sơkơ̆t hơdah Việt Nam hơnơ̆ng lăng Nhật Bản jĭ minh lơ̆m dôm teh đak vang jang kăp gĭt hloh, jĭ buăl juăt 'lơ̆ng, lui ngeh, atŭm yak hơdoi lơ̆m chăl hơtŏk tơ-iung 'nao. Phŏ Thủ tướng pơtruh nơ̆r: 2 teh đak pơtoi hơtŏk đon lui gah chinh trĭ, pơtoi akŏm pơma đam khŭl kơdră kơpal, iŏk yua sơnong jang dơnơm kơ dôm hơnih jang chih akŏm khôi luơ̆t vă pơm trong hiôk ăn tơdrong tơlĕch jang đei jơnei kiơ̆ dôm tơchơ̆t đei pơdrơ̆ng 2 pah, adoi nhen pơm trong hiôk gah khôi luơ̆t ăn dôm tơdrong jang hơdoi mŭk drăm kơ 2 teh đak.

Atŭm hăm noh, hơtŏk jang hơdoi gah tơmang pơhiơ̆, hơpeh hơpong kon pơlei kơ 2 teh đak păng tơdrong mă Nhật Bản pơtoi pơm trong ƀônh ăn jê̆ 700.000 bơngai Việt Nam tŏk bŏk oei pơm jang păng hŏk pơhrăm tơ̆ Nhật Bản.