Tổng Bí thư, Kơdră teh đak pơma hơdăh, Việt Nam ling lang tơgŭm ăn tơdrong jang tơiung pơjing, jang tŏk teh đak đơ̆ng Campuchia; pơma hơdăh tơdrong pơvei đơ̆ng 2 Đảng, 2 teh đak Việt Nam – Campuchia păng 3 Đảng, 3 teh đak Việt Nam – Campuchia – Lào ‘nŏh jĭ tơmam tôch kăp gĭt, kăl đei chĕp vei păng pơm pơ ‘lơ̆ng hlŏh dơ̆ng. Tổng Bí thư, Kơdră teh đak athei hơtŏk tơdrong đei yoa đơ̆ng dôm trong jang hơdoi hlôi đei dang ei, mă loi jĭ dôm ‘măng tơbâp đơ̆ng kơdră chĕp kơ̆l Khul kơdră teh đak, khul linh, công an păng jang tơbôl đơ̆ng 3 teh đak.

Tơchĕng ‘lơ̆ng ‘măng pơma đam đơ̆ng Thủ tướng Hun Manet păng Thủ tướng Lê Minh Hưng, Tổng Bí thư, Kơdră teh đak tơƀôh đon hơiă tơ̆ hơnăp tơdrong jang tŏk pran tôm tơdrong lơ̆m tơdrong pơvei 2 pang, hăm tơdrong kăl hlŏh jĭ lui băl găh chinh trĭ, jang hơdoi găh khul linh – vei lăng kơjăp ‘lơ̆ng tơdrong sơđơ̆ng, tĕch mơdro tŏk pran ‘lơ̆ng, pơvei đơ̆ng khul druh dăm roi đunh roi kơjăp. 2 păh oei pơma hơdăh hơnăp jang gĭt kăl đơ̆ng Đảng, atŭm hăm ‘nŏh roi tơƀôh trong vă jang atŏk tơiung khoa hŏk, kơmăy kơmŏk păng jang tŏk hơdoi lơ̆m chăl ‘nao.