Đơ̆ng rŏng 1 sơnăm tơlĕch jang, dêh char Đắk Lắk hlôi hơmet pơ ‘lơ̆ng 102 anih jang tơ̆ xăh, hơnhăk anih Pơm hla ar ăn tơpôl bơ̆ jang sơđơ̆ng ‘lơ̆ng, vang tơgop pơm tơjur khul bơngai jang, hơtŏk tơdrong ‘lơ̆ng mưh pơm hla ar păng pơvih ăn kon pơlei, anih tĕch mơdro.

Mă lei, tơring oei tơƀâp pơmat tat găh jang hơdoi đơ̆ng rim anih jang kơpal, ưh kơmăh bơngai jang rơgei tơ̆ 1,2 tơdrong jang păng hơnăp jang roi trăp yoa athei iŏk jang hloi lơ tơdrong hăm kăn ƀô̆ tơ̆ tơring. Pơma tơ̆ jơ bơ̆ jang, Phŏ Kơdră Anih pơgơ̆r Trung ương Bùi Thị Quỳnh Vân chih iŏk dôm nơ̆r apinh đơ̆ng dêh char Đắk Lắk ƀơm truh khul jang, ƀiên chê̆, tơdrong tơgŭm păng tơplih hăm kơmăy sô̆ vă chih akŏm, tơroi ăn anih jang kơpal hơlen năng, pơih trong hơmet pơ ‘lơ̆ng trong jang, tơdrong tơgŭm tơ̆ hơnăp kơnh.