‘Nâu đei lăng jĭ trong jang ‘lơ̆ng vă tŭn pran hơmet ming bơ̆jang, hơtŏk ‘lơ̆ng tơdrong kĕ pơjei păng sơng đei dôm tơdrong jang ‘lơ̆ng pơyua ăn tơdrong hơgăt jang tŏk mŭk drăm 2 kơsô̆ kơ tơring. Kiơ̆ trong jang âu, jơnăr pơm hla ar drơ̆ng kiơ̆ dăh mă hơmet ming trong jang tơmơ̆t jên jang găh tơdrong gơh kĭ đơ̆ng Kơdră Anih vei lăng kon pơlei dêh char păng pơm hla ar asong, hơmet ming  hla ar pơkăp tơmơ̆t jên jang gô đei pơm hrĕnh tôch ai 50% pơting hăm tơdrong hơgăt tơlĕch ăn dang ei.

Trong jang đei tơmơ̆t yua hăm dôm tơdrong jang anih jang kăl hơnih kơmăy kơmŏk, tơring kơmăy kơmŏk, hơnih logistics, tơnŏk tơ̆ kông; dôm tơdrong jang hnam oei, ŭnh hơyuh păng dôm tơdrong jang đei akŏm jên tơmơ̆t jang đơ̆ng 800 ti hlak jên tơ̆ kơpal. Dôm hla ar hô sơ găh tơgŭm hơdrol gô đei tơklep tơƀôh lăng băt vă klaih song, hơlen lăng păng hơmet hrĕnh lơ̆m pơđĭ trong jang hơmet pơ ‘lơ̆ng. Kăl kơ lăng truh, dôm anih jang păng tơring đei athei tơgŭm hơdrol hơmet ăn bơngai jang, jơ năr vă hơmet pơ ‘lơ̆ng hla ar hô sơ. Mưh hiơ̆ ăn tơgop nơ̆r dăh mă ưh kơ tơl nơ̆r trŏ năr pơkăp gô athei pŭ hơnăp jang hăm tơdrong găh kĭ ăn vei lăng đơ̆ng anih jang kơdih.