Kiơ̆ kơ noh, dêh char pơgơ̆r hăm rim tơring, rim hơnih jang dah keh đang tơdrong pơjing, pơkăp tơring kơdrơ̆m, tơring pơsĕl; rim xah athei keh đang pơkăp atŭm tơ̆ xah lơ̆m jăl 2 sơnăm ou. Jơnŭm vei lăng tơdrong asong ming man kơsô̆ 1 đei pơjao pơkăp atŭm tơring kơdrơ̆m hăm 5 phương tơjê̆ đei Xuân Hương – Đà Lạt, Lâm Viên – Đà Lạt, Xuân Trường – Đà Lạt, Cam Ly – Đà Lạt păng Lang Biang – Đà Lạt, keh đang lơ̆m khei 8 truh.

Atŭm hăm noh tơlĕch pơkăp atŭm tơring kơdrơ̆m hăm 4 phương tơjê̆ hăm Bảo Lộc đơ̆ng rŏng kơ đei nơ̆r pơtruh đơ̆ng Hơnih jang Tĭnh uy. Jơnŭm pơgơ̆r tơdrong ming man kơsô̆ 2 pơm hla bar pơkăp tơring kơdrơ̆m hăm 6 phương tơjê̆ Phan Thiết păng 2 phương tơjê̆ Phước Hội – La Gi, keh đang lơ̆m khei 6 ou. Hăm Hơnih tơmang pơhiơ̆ dơnou Tuyền Lâm, đei pơjao tenh kuăng pơkăp atŭm truh sơnăm 2050 đơ̆ng rŏng kơ tơdrong jang pơkăp đei kĭ tơchơ̆t.