Lơ̆m noh, tơdrong jang sir tơmo kăp gĭt păng kŏng ngĭp pơm tơlĕch tơmam drăm adoi tŏk 22%; pơm tơlĕch păng asong unh hơyuh tŏk hloh 12%. Jô̆ atŭm lơ̆m dôm khei blŭng sơnăm, tơdrong jang kŏng ngĭp kơ dêh char tỉnh Lâm Đồng tŏk hloh 8% pơtêng hăm khei năr ou sơnăm sơ̆.

Pơtoi vei tơdrong tŏk kăp gĭt noh gah tơmo ming man tŏk jê̆ 21%; 'nhot plei 'long xa noh tŏk đei jê̆ 16.000 tơ̆n, tŏk hloh 12%; gah unh hơyuh tŏk 7%; tơmam drăm bôxit nhôm đei hloh 42.000 tấn. Dang ei dêh char tŏk bŏk oei pơklaih dôm tơdrong tơhlăk tơhlĭn hăm dôm tơdrong jang pơlăp unh hơyuh đơ̆ng kial vă gơh pơm tơlĕch unh hơyuh lơ̆m khei 6 ou, tơgop ăn tơdrong hơtŏk jang kŏng ngĭp.