Kiơ̆ đơ̆ng hơlen lăng yan âu, Thiếu tướng Lương Đình Chung chih iŏk, pơ ư jơhngơ̆m đon tơgoăt tơgoăl, hơdrin yak hloh mơmat tat đơ̆ng kang ƀô̆, khŭl lĭnh lơ̆m tơdrong tŭn hrĕnh tơdrong jang ming man dôm hnam trưng hŏk tơring sơlam.

Bơ̆jang kiơ̆ trong jang đơ̆ng Anih tơm Chĭnh trĭ, Quân ủy Trung ương păng Anih tơm vei lăng Khŭl lĭnh găh hơtŏk tơiung pơtho pơhrăm tơring kon kông, tơring sơlam, đơ̆ng khei 4/2026 truh dang ei, Quân khu 5 hlôi hơvơn rơbâu ‘nu kang ƀô̆, khŭl lĭnh vang jang man dôm jĭt hnam trưng hŏk teh đak rong tơ̆ Đà Nẵng, Quảng Ngãi, Gia Lai păng Đắk Lắk. Chính ủy Quân khu 5 athei dôm anih jang hơnơ̆ng jang hơdai kơjăp, pơgơ̆r bơ̆jang ‘lơ̆ng, vei sơđơ̆ng hrĕnh păng bơ̆jang sơđơ̆ng ‘lơ̆ng.