'Noh jing: Tơchơ̆t gah pơm jang hơlen kơ Kuô̆k hô̆i; Tơchơ̆t gah tơdrong jang hơlen kơ Hô̆i đŏng kon pơlei păng Tơchơ̆t gah hơlen hla bar chih pơkăp khôi luơ̆t. Tơdrong tơbang dôm Tơchơ̆t ưh hơdrô̆ pơtăl kơ dôm hla bar hlôi đĭ khei năr pơkăp yua, mă oei hơmet tơdrong hơlơ̆k hơle, ưh đei tơroh dih băl lơ̆m tơdrong jang hơlen khei năr ou ki; kiơ̆ đơ̆ng noh hơtŏk tơnăp tơdrong jang hơlen kiơ̆ pơkăp, hơlen sơnong pơgơ̆r, atŭm hăm noh vei sơnong jang kơ Kuô̆k hô̆i păng Hô̆i đŏng kon pơlei dôm jăl jang.

Adoi lơ̆m kơsơ̆, Hơnih juăt jang kơ Kuô̆k hô̆i hơlen Tơchơ̆t gah pơkăp hơnih jang hanh chĭnh păng Tơchơ̆t klah asong tơring kơdrơ̆m; Tơdrong jang kơ Hơnih juăt jang Kuô̆k hô̆i sơnăm 2026; Pơtôch 'Măng hop akŏm mă 10, Kuô̆k hô̆i jăl 15 păng tơgop nơ̆r mă blŭng gah tơdrong hơmet ăn 'Măng hop akŏm mă mônh, Kuô̆k hô̆i jăl 16.