Kiơ̆ mă ou, Hơnih tơm Ming man tơrĕk tơdrong hơlen chih akŏm pơm jang athei pơm kiơ̆ tôm tơchơ̆t đơ̆ng khôi luơ̆t teh đak gah sơnong păng jên asong đơ̆ng Teh đak vang jang. Lơ̆m hla bar chih gah hơlen asong ming man jăl trong kơdou hrĕnh Pleiku – Buôn Ma Thuột – Gia Nghĩa kiơ̆ pơkăp teh đak păng tơ-'ngla vang jang, pơtruh ăn Đức Long Gia Lai, Hơnih tơm Ming man tơroi: jăl trong ming man noh să, găn lơ tơring păng đei yua jên mong kơ teh đak.

Kơyuơ noh, Hơnih tơm tơchĕng, tơdrong hơlen asong jang kăl đei pơm jang trŏ tơchơ̆t đơ̆ng Luơ̆t Asong jang hăm pơkăp teh đak păng tơ-'ngla jang hơdoi, Luơ̆t Asong jang păng dôm hla bar pơtho pơm jang. Hơnih tơm Ming man pơtruh nơ̆r hăm Hơnih jang Đức Long Gia Lai pơm jang hăm Hơnih jang vei lăng kon pơlei dôm dêh char Gia Lai, Đăk Lăk păng Lâm Đồng vă tơlĕch jang trŏ pơkăp, Hơnih tơm Ming man gô pơtho pơm kiơ̆ tơchơ̆t pơtoi đơ̆ng rŏng kơ đei iŏk tơdrong pơgơ̆r păng drơ̆ng nơ̆r đơ̆ng dôm tơring đei tơrĕk.