Pơgơ̆r lơ̆m 2 năr 19 păng 20/12 truh, Hop akŏm jĭ 1 tơdrong khoa hŏk – trong tơgŭm gĭt kăl vă jang atŏk tơiung kơ dêh char Lâm Đồng lơ̆m chăl ‘nao. Đei 21 ‘nu bơngai tang măt đơ̆ng dôm anih jang lơ̆m apŭng plenh teh păng 10 ‘nu bơngai dơ̆ng tang ăn Anih jang tang măt vang truh hop akŏm.

Ƀok Đinh Văn Tuấn, Phŏ Kơdră vei lăng kon pơlei dêh char Lâm Đồng, ăn tơbăt, groi kông Di Linh pơdui đơ̆ng jơ̆ng krang Bảo Lộc truh krang Frenn, đei plt Bảo Lộc păng 5 apŭng: Bảo Lâm, Di Linh, Đức Trọng, Lâm Hà, Đơn Dương, iŏk đei truh 1 puăt groi teh kơ dêh char Lâm Đồng so. Đơ̆ng rŏng kơ tơmât hơdai 3 dêh char Đắk Nông, Bình Thuận păng Lâm Đồng, Groi kông Di Linh đei năng jĭ tơring teh akŏm đei tôm tơdrong ‘lơ̆ng găh teh, tŏ ‘mi kial, cham char ‘lơ̆ng rŏ, unh hơyuh rơgoh păng trong gre tơƀưh hăm dôm tơring.