Hop akŏm pơtôch tơdrong tơchơ̆t jăl jang 2020-2025, tơlĕch đon pơhnŏng, tơdrong vă jang đơ̆ng 2025-2030 păng tơgop nơ̆r ăn Hla ar chih kăl vă tơroi lơ̆m Hop akŏm mă XIV kơ Đảng. Khul kơdră chĕp kơ̆l jăl ‘nao đei 54 ‘nu bơngai, đei 14 ‘nu bơngai jang lơ̆m Khul chĕp kơ̆l tơm dơnơm. Mĭnh kơsô̆ kăn ƀô̆ tơm dơnơm apinh pơdơ̆h hlôi đei Trung ương drơ̆ng nơ̆r, hơmet ming khul bơngai jang lăp ‘lơ̆ng, đei hloi bơngai ‘nao păng bơngai so, lăp ‘lơ̆ng sơđơ̆ng đunh đai.

Mă loi ‘nŏh, hơmet ming khul jang tơ̆ xăh, phường hơnơ̆ng đei vei kơjăp kiơ̆ nơ̆r pơtho đơ̆ng Anih chĕp kơ̆l Đảng dêh char truh tơ̆ tơring. Hla ar chih tơroi chinh trĭ đei đon pơhnŏng truh sơnăm 2030, Khánh Hòa jing plt găh Trung ương, anih tơm chă tơmang lăng tơ̆ đak dơsĭ kơ apŭng plenh teh, anih tơm ‘măn răk kơsô̆ chih răk kơ teh đak păng tơring, mŭk drăm jang tŏk 2 kơsô̆, tơring kơdrâm ‘lơ̆ng rŏ, gơ̆h hơgei, jang tŏk kơjăp ‘lơ̆ng, cham char đei vei lăng rơgŏh ‘lơ̆ng, tơdrong arih xa kơ kon pơlei roi đunh roi tŏk, tơƀôh hơdăh anih jang tŏk ‘nao kơ teh đak.