Pơma pơtôch Hop akŏm, Thủ tướng Teh đak Phạm Minh Chính sơkơ̆t hơdăh, tơring Tơmăn đak kroong Cửu Long hăm tơring tơjê̆ ‘noh tơring kăl hloh găh tơdrong jang chinh trĭ,mŭk drăm-tơpôl, vei lăng sơđơ̆ng teh đak, sơđơ̆ng dơ̆ng kơjăp, cham char, tơbôl; jĭ “ ‘Măng jang” păh Hơlĕch kơ teh đak păng tơklep hăm tơdrong jang tơ iung pơjing, vei lăng pơm tơm kơdih groi teh kơ Teh đak. Thủ tướng Teh đak pơma hơdăh, rim hơnih bơ̆ jang, hơnih tơm, tơring akŏm tơlĕch jang kiơ̆ trong jang tơgŭm djru kon kông, lui khop; jang kiơ̆ rim tơdrong jang atŏk tơ iung mŭk drăm, jŏh ayŏ, tơpôl, pơjing tơdrong jang, xek tơlang tơdrong tơblĕk dih băl, tŏ đon; pơtrŭt kơtang hơdrin đĭ ai đơ̆ng kon pơlei lơ̆m atŏk tơ iung mŭk drăm-tơpôl păng vei răk, atŏk tơ iung rim tơdrng oei sa ‘lơ̆ng rŏ trŏ lăp, dôm tơdrong kơ̆m kang kơnang giĕng joăt joe: pơm hơtŏk tơdrong hơrih sa sơđơ̆ng ăn kon pơlei rim hơdrĕch hơdrung lơ̆m tơring, pơjing hơyak pran kơjăp iăp kơtang lơ̆m bơ̆ jang tang găn hơlou tơpôl; pơrăm hŭt dôm tơdrong pơm tơdrong kơnê̆ đơ̆ng hơyăt. Ƀơt măt, lơ̆m sơnăm 2026, Thủ tướng Teh đak pơjao ăn rim hơnih tơm, hơnih bơ̆ jang, tơring jang keh đang 7 tơdrong jang tih, jang tơm kăl găh vei lăng năng tông, atok tơ iung mŭk drăm, oei sa joh ayŏ, pơtho pơhrăm, jang pơgang tơring Tơmăn đak kroong Cửu Long.