Iung pơma tơ̆ Hop akŏm, Thủ tướng Phạm Minh Chính tơƀôh hơdăh dôm trong hơ iă lơ̆m vang mơ̆t hơdoi apŭng plĕnh teh, kiơ̆ kơ ‘noh kăl băt hơdăh tơdrong, tơklep kơjăp hăm dôm tơdrong yan ou, atŏk kơtang chă tơchĕng hơlen, hơlen hơdăh, tơdra hơdrol dôm trong kăl vă pơjing dôm trong jang tơm dơnơm lơ̆m vang mơ̆t hơdoi apŭng plĕnh teh. Kăl akŏm jơhngơ̆m pran kơ hơdrĕch hơdrung hăm jơhngơ̆m pran chăl hle, teh đak, kon pơlei păng hơnih mơdro sa. Kăl atŏk kơtang tơgoăt tơgoăl apung plĕnh teh păng trong jang hơdoi lơ pang lơ̆m vang mơ̆t hơdoi, Thủ tướng pơma hơdăh tơgoăt tơgoăl vă pơjing đei jơhngơ̆m pran, jang hơdoi vă đei iŏk yoa kơjăp păng pơma dơnuh vă pơm hơtŏk lui yom dih băl. Găh tơdrong jang sơnăm 2026, Thủ tướng pơma hơdăh ‘nou jĭ sơnăm blŭng a lơ̆m jăl vang mơ̆t hơdoi ‘nao kơ teh đak lơ̆m chăl ‘nao, jang kiơ̆ trong tơlĕch jang, trong jang tơbôl đơ̆ng Hop akŏm tih kơ Đảng ‘măng mă XIV păng tơlĕch ăn dôm trong iung jang hơdoi apŭng plenh teh.