Hop akŏm đei pơgơ̆r kiơ̆ trong pơgơ̆r kơtă hơdai hăm trư̆k tuyê̆n, pơih pơdăh truh tơ̆ rim Anih tơm, anih jang Trung ương, tơring tơrang, khŭl tơpôl. Tơdrong pơgơ̆r Hop akŏm vă tơgŭm ăn kăn ƀô̆, đảng viên, mă loi jĭ khŭl kơdră, bơngai chĕp kơ̆l anih jang băt hơdăh tơdrong tơm, tơdrong 'nao, tơdrong kăl đơ̆ng Tơdrong tơchơ̆t lơ̆m Hop akŏm 'măng mă 4 kơ Khul kơdră chĕp kơ̆l Trung ương Đảng jăl XIV.

Kiơ̆ đơ̆ng noh, hơtŏk hơnăp jang mưh pơgơ̆r bơ̆jang, chih hơdăh tơdrong jang, trong vă jang mă ‘lơ̆ng, đei yoa. Tơdrong hŏk pơhrăm, roi tơbăt akŏm lơ̆m dôm tơdrong 'nao, tơdrong tơm, gĭt kăl, kơđeh, ƀônh hlôh, ƀônh ƀlŏk, ƀônh jang kiơ̆; tơmơ̆t tơdrong "hŏk pơhrăm, roi tơbăt" hăm "dăr lăng, hơlen năng đon hlôh vao" păng "pơgơ̆r bơ̆ jang". Kiơ̆ đơ̆ng noh, vă drơ̆ng 1 nơ̆r găh đon hlôh vao păng bơ̆ jang hăm dôm trong jang, tơdrong tơchơ̆t tih đơ̆ng Trung ương.