Tơ̆ jơ pơm jang, kơdră pơlei tơm Hà Nội hlôi tơroi kơ minh ƀar trong jang kiơ̆ tơchơ̆t hơtŏk tơ-iung đơ̆ng 11% tŏk tơ̆ kơpal ah sơnăm 2026; hơlen sơkơ̆t mă blŭng gah tơdrong jang hơdoi dôm sơnong pơgơ̆r đei pơjao lơ̆m Luơ̆t Hơnih tơm păng nơ̆r pơtruh đơ̆ng pơlei tơm hăm 'Măng hop akŏm mă Ƀar, Kuô̆k hô̆i jăl 16.

Pơma ah jơ pơm jang, Tổng Bí thư, Kơdră teh đak bơ̆n Tô Lâm ră hơdah, athei pơm hơdah dôm tơchơ̆t jang đơ̆ng Đảng, hơtŏk tơdrong vei lăng vă hơtŏk teh đak; hơlen lăng dôm tơdrong tơlĕch jang tơgŭm; pơkăp ƀônh hiôk gah asong jang athei đei tơgŭm hăm khôi luơ̆t, hăm luơ̆t groi teh, luơ̆t pơkăp păng chih akŏm tôm tơdrong. Tổng Bí thư, Kơdră teh đak bơ̆n ră hơdah, dôm tơchơ̆t gah asong jên mong vă jang hơtŏk tơ-ịung athei yak hơdoi hăm tơdrong sơđơ̆ng păng hơtŏk tơdrong hơrih ăn kon pơlei; iŏk yua sơnong jang kơ Hơnih tơm, đơ̆ng tơdrong đei ƀôh tơ̆ Hà Nội vă tơgop lơ̆m tơdrong keh đang tơchơ̆t jang atŭm; pơtoi hơlen kơjăp tơdrong pơm kiơ̆ tơdrong hlôi tơchơ̆t hăm kon pơlei tah hla.