Tơ̆ jơ sơng, Kơdră Kuô̆k hô̆i Trần Thanh Mẫn sơkơ̆t hơdah: 'măng năm tơmang ou 'noh kăp gĭt, tơgop kơhret hloh dơ̆ng tơdrong jang tơbôl kăp gĭt, tơguăt tơguăl, jang hơdoi tôm tơdrong, tơguăt tơdrong jang hơdoi Việt Nam - Lào. Kơdră Kuô̆k hô̆i Trần Thanh Mẫn ră hơdah gah tơdrong hơtŏk tơ-iung 'lơ̆ng kơ tơdrong tơbôl 2 teh đak, tơdrong jang hơdoi kơ Kuô̆k hô̆i 2 teh đak roi năr roi đei hơtŏk kơjăp đei jơnei 'lơ̆ng.

Ƀar ƀok kơdră hơpơi 'meh, Kuô̆k hô̆i Việt Nam păng Kuô̆k hô̆i Lào pơtoi pơma đam, tơroi gah dôm tơdrong hlôh vao lơ̆m tơdrong chih akŏm khôi luơ̆t păng jang hơlen kơpal; hơnhăk tơdrong jang tơbôl kơ 2 hơnih jang chih akŏm khôi luơ̆t kơ 2 teh đak roi năr roi jang đei jơnei, tơgop kăp gĭt ăn tơdrong hơtŏk tơ-iung atŭm kơ tơdrong jang tơbôl 2 Đảng, 2 teh đak.