Tơ̆ hop akŏm, Kơdră Quốc hội roi tơbăt, Anih chĕp kơ̆l pơgơ̆r Quốc hội gô chih iŏk nơ̆r tơgop đơ̆ng dôm bơngai tang măt Quốc hội, vă truh âu kơnh hơmet ming Luơ̆t bơ̆jang dăr hơlen lăng đơ̆ng Quốc hội păng Jơnŭm pơgơ̆r kon pơlei pơtruh ăn Quốc hội set hơlen, pơdrơ̆ng kiơ̆ tơ̆ ‘Măng hop akŏm mă 10, Quốc hội jăl 15 truh âu kơnh vă vei sơđơ̆ng dôm tơdrong tơchơ̆t dăr hơlen lăng đei bơ̆jang kiơ̆ tơpăt lơ̆m yan âu.

Kơdră Quốc hội athei, dôm bơngai joăt jang păng bơngai tang măt vang tơroi, pơma dơnuh akŏm, năm tơpăt lơ̆m dôm tơdrong tơm, tơlĕch dôm trong jang hơdăh păng ‘lơ̆ng. Pơtôch Hop akŏm, Khŭl pơgơ̆r gô pơjing Hla ar roi tơbăt akŏm gơih ăn Quốc hội, Khŭl kơdră teh đak, dôm Anih tơm, anih jang păng tơring vă tơtom pơyua ăn tơdrong hơmet ming tôm tơdrong Luơ̆t bơ̆jang dăr hơlen lăng đơ̆ng Quốc hội, Jơnŭm pơgơ̆r kon pơlei păng hơmet ming, chih tơmơ̆t dơ̆ng dôm hla ar khôi luơ̆t đei ƀơm truh.