Pơma tơ̆ Hop akŏm, Thủ tướng Lê Minh Hưng athei rim anih tơm, anih jang păng tơring athei kơchăng, pơcheh hơgei, ưh kơ gơh pơmơ̆ng, răp gô vă vei sơđơ̆ng jang hrĕnh păng ‘lơ̆ng. Thủ tướng athei tơlĕch jang trŏ, tôm trong jang, hla ar khôi luơ̆t, pơm kiơ̆ tơdrong pơkăp ‘lơ̆ng ki thuơ̆t sơđơ̆ng.

Hơtŏk loi dơ̆ng iŏk yua khoa hŏk kơmăy kơmŏk, tơplih ‘nao hơgei, tơplih kơsô̆ păng tơplih rơgoh lơ̆m bơ̆jang, tŭn hrĕnh păng hơtŏk ‘lơ̆ng tơdrong jang. Thủ tướng pơma hơdăh ‘nĕ kơ lê̆ đei ƀôh tơdrong ưh kơ ‘lơ̆ng, sa pơgơ̆m pơjĭp, hiong brăh brư jên jang kơ teh đak păng tơpôl. Thủ tướng athei Anih tơm vei lăng Ming man păng rim tơring jang kiơ̆ hơnăn tơdrong jang, akŏm hơmet pơ ‘lơ̆ng hla ar hơmet ăn tơmơ̆t jên jang, kĭ ăn hla ar chih roi tơbăt tơchĕng hơlen ‘lơ̆ng păng rơih iŏk bơngai tơmơ̆t jên jang hăm dôm tơdrong jang gĭt kăl.