Pơma pơgơ̆r ah Hop akŏm, Tổng Bí thư, Kơdră teh đak bơ̆n Tô Lâm athei pơtoi băt hơdah dôm tơchơ̆t tơlĕch đơ̆ng Đảng gah Chih hơmet pơ-'lơ̆ng Khôi luơ̆t păng pơjing Teh đak kiơ̆ pơkăp Xah hô̆i chu nghia, ưh kơsĭ yua kơ tơdrong tơplih Jơnŭm pơgơ̆r mă jang adar, pơm pơhơi păng kơplah kơplơt tơdrong jang.

Chih hơmet pơ-'lơ̆ng Khôi luơ̆t. Atŭm hăm noh, pơtoi hơtŏk 'lơ̆ng trong pơgơ̆r jang gah khôi luơ̆t păng dôm tơdrong jang kơ rim hơnih jang gah khôi luơ̆t. Hơlen kơjăp tơdrong kăp gĭt kơ khôi luơ̆t, tang găn păng tơjră kơnê̆ lơ̆m tơdrong chih hơmet khôi luơ̆t; atŭm hăm noh pơjing khul kang ƀô̆ jang khôi luơ̆t tơpăt 'lơ̆ng, gơh hơgei păng hơtŏk kơtang tơdrong tơplih jang kiơ̆ kơmăi kơsô̆, vei lăng khôi luơ̆t hăm kơmăi kơsô̆.