Pơma tơ̆ Hop akŏm, Kơdră Quốc hội Trần Thanh Mẫn akhan, tơdrong jang tơbăt hơdăh Trong tơploh jang Anih tơm Hà Nội trĕng lăng 100 sơnăm ưh khan lăp tơbăt hơdăh 1 hla ar trong tơproh jang, mă oei tơlĕch ăn nơ̆r pơma găh khŏm bơ̆jang, tơƀôh rơđăh khŏm jang mă đei đơ̆ng pơlei tơm lơ̆m tơdrong hơnhăk tơdrong Tơchơ̆t Hop akŏm 14 kơ Đảng, tơchơ̆t Hop akŏm Đảng bộ Pơlei tơm ‘măng mă 18 lơ̆m tơdrong jang, trŏ hăm athei đơ̆ng Tổng Bí thư, Kơdră teh đak Tô Lâm “Hà Nội hlôi pơma ‘noh jang, jang hrĕnh, jang trŏ, jang đei yua, jang truh tôch”.

Kơdră teh đak Quốc hội athei, Khŭl kơdră teh đak rim anih tơm, anih jang Trung ương păng dôm anih jang ƀơm truh kơtă jang hơdai kơjăp hăm Hà Nội lơ̆m kơplăh tơlĕch jang dôm trong jang, tơdrong tơgŭm hơdrô̆, vei sơđơ̆ng trong drơ̆ng nơ̆r lơ̆m pơgơ̆r bơ̆jang kiơ̆. Rim trong jang, tơdrong tơgŭm hlôi đei Quốc hội tơlĕch ăn athei đei tơlĕch jang hrơ̆ch, đei yua, yak mơ̆t lơ̆m tơdrong hơrih sa; rim kon jên đei pơjao athei đei iŏk yua trŏ tơdrong, trŏ khôi luơ̆t, yua kơ tơdrong hơtŏk tơiung kơ teh đak păng hiôk chơt kơ kon pơlei.