Tang măt ăn Đảng uy Kuô̆k hô̆i, Phŏ Kơdră Hơnih juăt jang kơ Kuô̆k hô̆i Đỗ Văn Chiến hlôi tơroi tenh tơdrong đei jơnei kơ Hop akŏm bơngai tang măt jơ̆p teh đak mă 14 kơ Đảng. Gah tơchơ̆t hơtŏk đơ̆ng 2026 - 2030 păng sơkơ̆t truh sơnăm 2045, hla bar kăp gĭt chih tơbang 5 trong jang tih, lơ̆m noh ră hơdah, jăl sơnăm 2026 - 2030 athei akŏm hơtŏk kơtang lơ̆m 3 tơdrong jang kăl hloh: pran kơtang gah trong jang păng iŏk pơm jang; vei sơđơ̆ng rim trong jang tih adoi đei pơkăp hơdah, tơdrong pran păng trong tơlĕch hơlen pơm jang; hơtŏk kơtang tơplih jang hanh chĭnh; pơjing Jơnŭm pơgơ̆r kơsô̆; iŏk tơdrong đei jơnei vă pơm jang ăn Kon pơlei păng hơnih jang mŭk drăm pơm 'long grek pơkă.

Tơdrong đei jơnei keh kong kơ Hop akŏm mă 14 tơƀôh đon lui, đon tơchĕng khŏm mă hơtŏk tơ-iung 'nao kơ Đảng păng kon pơlei bơ̆n. 'Nou jĭ trong jang kơjăp vă tôm Đảng, tôm kon pơlei, tôm khul linh kơdih tơlĕch trong jang, hơtŏk tơ-iung kơtang hloh lơ̆m anglŏ sơnăm 'nao, pơm jang đei jơnei Tơchơ̆t Hop akŏm mă 14, kơyuơ minh teh đak Việt Nam rơngei hiôk hian, pơdrŏng pran kơtang, gơh hơgei jơnap hơnŭk hơnua.