Hop akŏm đei hơnăn “Hơla hla kơ ang hơdăh kơ Đảng, mĭnh jơhngơ̆m đon bơ̆jang kiơ̆ jơnei dôm tơdrong hơgăt hơtŏk tơiung teh đak truh sơnăm 2030; hơdrin kơdih, lui ngeh yak pran lơ̆m chăl jang tŏk đơ̆ng hơdrĕch hơdrŭng, yua kơ tơdrong rơngei, pơgơ̆r kơdih, kon pơlei pơm tơm, pơdrŏng pran, hơnŭk hơnoa, hơgei, hiôk chơt, kơjăp yak tŏk chủ nghĩa xã hội”, hăm tơdrong vang akơ̆m đơ̆ng 1.586 bơngai tang măt, dơ̆ng tang ăn hloh 5,6 triệu đảng viên lơ̆m teh đak.

Tơ̆ Hop akŏm, dôm bơngai tang măt gô pơma dơnuh, pơdrơ̆ng kiơ̆ lơ hla ar gĭt kăl, ‘noh đei Tơroi tơbăt Chĭnh trĭ đơ̆ng Khŭl chĕp kơ̆l pơgơ̆r Trung ương jăl XIII, dôm hla ar roi tơbăt pơtôch găh lĭ luơ̆n, yan âu tơdrong jang tơplih ‘nao, tơdrong jang kiơ̆ Tơdrong hơgăt Đảng păng hơlen lăng tơdrong chĕp kơ̆l, pơgơ̆r đơ̆ng Trung ương jăl XIII.

Hop akŏm XIV jĭ tơdrong akŏm đon lui, hơpơi ‘meh hơtŏk tơiung, tơƀôh hơdăh đon nuih, gơh hơgei păng hơdrin đơ̆ng đĭ đăng Đảng, đĭ đăng kon pơlei, đĭ đăng lĭnh, pơm tơdrong ‘lơ̆ng vă hơtŏk tơiung teh đak kơjăp yak năm lơ̆m jăl jang hơtŏk tơiung ‘nao.