Kiơ̆ Hơnih jang vei lăng kon pơlei dêh char Khánh Hòa, tơdrong chă hơlen lăng akŏm lơ̆m dôm grŭp tơchơ̆t tơm đei: pơkăp gah kơsô̆ măt bơngai; kơsô̆ tơring kơdrơ̆m; tơdrong gơh hơtŏk mŭk drăm – tơpôl; ming man hnam tơ̆ pơlei tơm păng hnam jang ăn tơpôl; tơdrong vei lăng pơgơ̆r jang tơ̆ tơring kơdrơ̆m; vei lăng cham char, pơtrŏ hăm tŏ 'mi kial tơplih păng vei sơđơ̆ng tơpôl tơ̆ tơring.

Kiơ̆ đơ̆ng noh, rim hơnih jang, rim tơring athei sơkơ̆t hơdah dôm tơchơ̆t hlôi jang đei, tam mă jang đei, tơdrong tơm păng trong hơmet kiơ̆ pơkăp hơdah. Atŭm hăm tơdrong keh đang dôm tơchơ̆t tơring kơdrơ̆m, dêh char Khánh Hòa sơkơ̆t hơdah jăl sơnăm 2026–2030 jĭ khei năr hơtŏk tơ-iung kơtang gah mŭk drăm, hơdrin hơtŏk đei 2 kơsô̆, tơguăt hăm tơplih jang kiơ̆ trong 'nao kơjăp hloh. Vă kĕ đei jơnei tơchơ̆t truh sơnăm 2027 Khánh Hòa jing pơlei tơm oei lơ̆m Trung ương vei lăng, dêh char hlôi tơrĕk hơvơn asong jang lơ̆m kŏng ngĭp kiơ̆ trong jang 'nao, jang kŏng ngĭp rơgoh 'lơ̆ng, logistics, mŭk drăm đak dơsĭ, tơring kơdrơ̆m gơh hơgei păng tơmang pơhiơ̆ kiơ̆ trong 'nao hơgei.