Iŏk yua dôm tơdrong jang đei jơnei, dêh char tŏk bŏk akŏm jơhngơ̆m pran vă hơtŏk tơ-iung keh đang tơchơ̆t hơtŏk hloh 10% lơ̆m sơnăm 2026. Kiơ̆ chih akŏm dêh char Khánh Hòa, 2 tơdrong jang dơnơm tơgop lơ̆m tơdrong jang hơtŏk mŭk drăm hloh 9 % kơ tơring, noh kŏng ngĭp – ming man, tŏk hloh 12%; tĕch pơdro tŏk 9%.

Jơ̆p dêh char đei 1.557 hơnih jang mŭk drăm đei tơ-iung pơjing 'nao, tŏk hloh 33%. vă keh đang tơchơ̆t hơtŏk mŭk drăm 10% lơ̆m sơnăm, Khánh Hòa kăl đei jơnei pơkăp hơtŏk hloh 11% lơ̆m 6 khei hơtuch sơnăm. Tơchơ̆t ou đei Chih akŏm dêh char Khánh Hòa pơkăp gơh jang kơlih đei lơ tơdrong jang 'nao gô đei iŏk yua lơ̆m dôm khei hơtuch sơnăm.