Khŭl dŏng tơgŭm đơ̆ng Việt Nam pơjao 30 tấn tơmam ăn Myanmar hơdrol kơ vih tơ̆ teh đak
Thứ tư, 14:43, 09/04/2025
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar- Kơsơ̆ 8/4, hơdrol kơvih tơ̆ teh đak, Khŭl bơ̆jang dŏng tơgŭm kơ Anih tơm vei lăng Kŏng an Việt Nam hlôi pơjao 30 tấn tơmam pơgang, tơmam yua kăl vă tơgŭm teh đak buăl Myanmar hơmet pơ ‘lơ̆ng hiong răm đơ̆ng teh đak tơdrŏ.
Lơ̆m 10 năr bơ̆jang tơ̆ Myanmar, Khŭl hlôi dŏng đei 7 ‘nu bơngai răm đom lơ̆m hnam hơlih. Hơdai hăm ‘noh, jang hơdai hăm khŭl dŏng tơgŭm đơ̆ng dôm teh đak dŏng dơ̆ng 7 ‘nu bơngai nai.
Khŭl hlôi khăm hơmet jĭ, asong pơgang ăn kơ hloh 50 ‘nu bơngai jĭ rơka; pơm 2 pơsŭn koăl tăng pơm anih oei pơgia ăn kơ bơngai răm hiong hnam oei; pruih pơgang pơlôch pơrang ăn lơ anih kon pơlei oei. Hơdai hăm ‘noh, khŭl kŭm pơgơ̆r lơ tơdrong jang krao hơvơn kon pơlei, vang tơgŭm jên ăn 6 ŭnh hnam bơngai lôch răm.
Viết bình luận