Rim kơdră tang măt tơgŭm djru trong tŏk mŭk drăm kiơ̆ trong mă 2, hăm trong tơlĕch ăn GDP tŏk đơ̆ng 8,3 truh 8,5%, pơjing hơ yak iŏk đei hloh 10% lơ̆m sơnăm 2026. Tang măt ăn lơ tơring, lơ̆m ou đei Hà Nội, pơlei tơm Hồ Chí Minh, Lâm Đồng… pơkăp hơdrin tơlĕch jang kơtang rim tơdrong jang tŏk mŭk drăm. Iung pơma tơ̆ hop akŏm, Thủ tướng Phạm Minh Chính athei rim tơring tơ iung pơjing trong jang hơdăh ăn 6 khei hơtuch sơnăm, lơ̆m ou đei rim hơnih kơdrơ̆m tơm kăl tŏk GRDP lơ hloh pơtêng hăm jô̆ hơtŏ lơ̆m teh đak. Thủ tướng jei athei rim hơnih tơm, hơnih mơdro sa tih pơjing trong pơprŏ jang tŏk mŭk drăm ƀar kơsô̆ lơ̆m sơnăm 2026 vă sơđơ̆ng trong tơlĕch jang GDP lơ̆m teh đak iŏk đei hloh 10%.