Thủ tướng pơma hơdăh, mât hơdai jing jơhngâm pran gĭt kăl vă pơvih ăn  tơdrong jang tŏk teh đak. Akŏm đĭ đăng jên tĕch tơmam tơ̆ teh đak đe 7 khei sơnăm ‘nâu đei hlŏh 514 ti USD; jên tơmât jang đơ̆ng teh đak đe (FDI) đei 24 ti USD, hơnhăk Việt Nam mât lơ̆m grŭp 15 teh đak oei vă tŏk pơdrŏng sơng đei jên FDI lơ hlŏh lơ̆m apŭng plenh teh.

Mât hơdai kŭm jing hơmet pơ ‘lơ̆ng ƀiơ̆ trong chĕp kơ̆l pơgơ̆r teh đak, jang kiơ̆ ‘lơ̆ng dôm nơ̆r pơkăp hăm apŭng plenh teh, hơtŏk anih dơ̆ng păng nơ̆r pơma đơ̆ng Việt Nam lơ̆m apŭng plenh teh. Thủ tướng athei jăh chih pơjing tơdrong Tơchơ̆t đơ̆ng Quốc hội găh trong pơgơ̆r jang, tơdrong tơgŭm gĭt kăl mưh mât jang hơdoi; akŏm jơhngâm hơmet pơ ‘lơ̆ng dôm anih oei tơhlăk găh trong pơgơ̆r, tơdrong tơgŭm, pơjing jơhngâm pran vă mât hơdai hăm apŭng plenh teh jing jơhngâm pran tơpă ăn tơdrong jang atŏk tơiung.