Thượng tướng Lê Huy Vịnh hơlen lăng tơdrong jang vei sơđơ̆ng kih thuơ̆t 'măn ăn tơdrong yak pơrŏ linh ƀơ̆t Kuôk khanh 2/9
Thứ tư, 10:52, 27/08/2025
Lan chih tơblơ̆
Lan chih tơblơ̆
VOV.Bahnar – Kơsơ̆ năr 26/8, Thượng tướng Lê Huy Vịnh, Thư̆ trương Anih tơm pơgơ̆r Khul linh, truh hơpong ngôi păng hơlen lăng dôm tơdrong jang kih thuơ̆t 'măn ăn 'măng yak pơrŏ linh lơ̆m Lêh tơbăt 80 sơnăm Kuôk khanh tơ̆ Trung đoan 916, Sư đoan 371, Khul linh Gre păr.
Sơkơ̆t hơdah tơdrong kăp gĭt kơ sơnong jang A80, Thượng tướng pơgơ̆r rim anih jang linh pơtoi jang tơnăp tơdrong tơroi tơbăt gah sơnong jang, athei khul kang ƀô̆ linh pơm jang đei jơnei 'lơ̆ng; tơrĕk truh tơdrong hơrih kơ đe ƀô̆ đô̆i.
Thượng tướng Lê Huy Vịnh ră hơdah, rim khul jang kih thuơ̆t athei akŏm jang tơnăp sơnong jang, hơlen phao kơtuang, kơmăi kơmŏk, vei sơđơ̆ng kih thuơ̆t 'lơ̆ng hloh. Đơ̆ng rŏng keh đang sơnong jang, rim anih linh athei pơgơ̆r chă sek lăng vă pôk hơpah tơtom păng tơdrong yak pơrŏ linh athei tơnăp vei sơđơ̆ng kơjăp hloh.
Viết bình luận